II मनाचे श्लोक - *आजच्या युगातले* II

II मनाचे श्लोक - *आजच्या युगातले* II

*विषय- लाइफ स्टाईल मॅनेजमेंट*

*व्यायाम*
         प्रभाते मनी देह हा जागवावा,
         पांघरुणात लोळून, वाया न जावा
         नमस्कार घालावे , सूर्यासी दहा
         दिवस जातो आनंदे, मित्रांनो पहा II 

*वॉटसएप*
         मना सज्जना, हाती व्हाट्‌सअॅप नकोरे 
         उतु दूध जाई, कुकर शिट्टी मारे 
         पती दावी क्रोध, भुकेलेली पोरे 
         बुडे बोट संसार, व्यसन नाही बरे  II

*बैठी जीवन शैली*
         घरी यावे ऑफीस मधूनी उशिरा
         टीव्ही बघत खावा, फास्ट फूड कचरा
         सकाळी न होई, मलाचाही निचरा
         कुठुन येई शक्ति, आरोग्यास विसरा II


*अध्यात्म*
        नको रे मना, लागू भोन्दुंच्या नादी
        नको अंधश्रद्धा, नको घेऊ ऊदी
        सदुगृरू खरा तो, मनाचा विवेक
        नको वेळ दवडू, हृदय सांगे ऐक II
      
*मद्य*
        मना सज्जना मद्य, भयंकर पाश
        घरा राख रांगोळी, होई सर्वनाश
        नको तो सुधाकर, नको तोच प्याला
        सुरुवातीस एक, मग घरीच मधुशाला II 

*धूम्रपान*
        मना सांग का ओढिशी धूम्रकांडी
        फूफ़्फुसास भोके, आरोग्यही सान्डी
        हृदयास झटके, व्यसन हाची रोग
        आयसीयूत नेई, कर्माचाच भोग II

*टेंशन*
         विचारी मना तूची शोधूनी पाहे
         टेंशन किती या आयुष्यांत आहे
         उद्याचे कसे हो, मना जाळी चिंता
         प्याला अमृताचा, तोही भासे रीता
         किती हवा पैसा, नको धावु मागे​ 
         आयुष्य निसटले, आता व्हावे जागे II


*कर्ज़*
         नको रे मना, काढ़ु भले मोठे कर्ज़
         गिळे जसा अजगर, दया माया वर्ज्य
         पोखरी मनास, आनंदा सुरंग
         जितेपणी नको तो , सोनेरी तुरंग II

*फास्ट फूड*
         मना सांग पा, जेवणा काय झाले ?
         पोळी भाजी सोडोनी, बर्गर मिळाले
         चढे चरबी अंगा, ड्रेस तंग सगळे
         वजन काटा पाहुनी, मिटुन घेई डोळे II

            *II   जय जय रघुवीर समर्थ II*