!! श्री स्वामी समर्थ महाराजांची आरती !!
जय जय सद्गुरु स्वामी समर्थाँ
आरती करु गुरुवर्या रे॥
अगाध महिमा तव चरणांचा
वर्णाया मती दे यारे॥धृ॥
अक्कलकोटी वास करुनिया
दाविली अघटीत चर्या रे ॥
लीलापाशे बध्द करुनिया
तोडिले भवभया रे॥१॥
यवने पुशिले स्वामी कहाँ है?
अक्कलकोटी पहा रे ॥
समाधिसुख ते भोगुनी बोले
धन्य स्वामीवर्या रे॥२॥
जाणसी मनीचे सर्व समर्थाँ
विनवू किती भव हरा रे ॥
इतुके देई दीन दयाळा
नच तवपद अंतरा रे॥३॥
जय जय सद्गुरु स्वामी समर्थाँ
आरती करु गुरुवर्या रे॥
अगाध महिमा तव चरणांचा
वर्णाया मती दे यारे॥धृ॥
सर्वांना शुभ संध्या......!!
स्वामी संध्या......!!
