अहिराणी कविता

कोणा हिस्सामा तुप ऊन ,
ते कोणा हिस्सामा साय ऊनी !
मी घरमा बठ्ठास्थीन धाकला व्हतु ,
मना हिस्सामा माय ऊनी !
.
.
दोन्ही भाऊ पैसाना भुक्या ,
त्यासना हातमा पैसा ऊना
मी व्हतु प्रेमना भुक्या ,
मना डोकावर मायना हात ऊना !
.
कोणा ताटमा मटण पुलाव ,
ते कोणा ताटमा दाय ऊनी !
मी घरमा बठ्ठास्थुन धाकला व्हतु ,
मना हिस्सामा माय ऊनी !
.
.
बाप जाताज भाऊस्ना मनमा वाटा घुसना !
आयी देखीनी जणु मायना कलेजामा काटा घुसना !
.
कोले खेत सम्मद बैल ऊनात ,
ते कोले दुध-दुभती गाय ऊनी !
मी घरमा बठ्ठस्थुन धाकला व्हतु,
मना हिस्साले माय ऊनी !
.
.
वावरमा दिनरात बाप राबना !
तवय यास्ले घरन छप्पर लाभन !
माले मनी मनी माय भेटनी ,
माले मायना पदर लाभना !
.
जेवढ लिखता ऊन तेवढ लिख!
मी घरमा बठ्ठास्थुन धाकला व्हतु ,
मना हिस्सामा माय ऊनी !